भजन-संहिता 67 (एस सी ए)
भजन-संहिता 6767 इबरानी म 67:1‑7 ला 67:2‑8 गने गे हवय
संगीत निरदेसक बर। तारवाले बाजा के संग। एक भजन। एक गीत।
1परमेसर ह हमर ऊपर अनुग्रह करय अऊ हमन ला आसीस देवय
अऊ अपन मुहूं के अंजोर हमर ऊपर चमकावय—
2ताकि धरती म तोर ईछा,
अऊ जम्मो जाति म तोर उद्धार के पता चलय।
3हे परमेसर, मनखेमन तोर परसंसा करंय;
जम्मो मनखेमन तोर परसंसा करंय।
4देस-देस के मनखेमन खुसी मनांय अऊ आनंद के गीत गावंय,
काबरकि तें मनखेमन ऊपर बिगर पखियपात के सासन करथस
अऊ धरती के देस-देस के मनखेमन के अगुवई करथस।
5हे परमेसर, मनखेमन तोर परसंसा करंय;
जम्मो मनखेमन तोर परसंसा करंय।
6भुइयां ह अपन फसल देथे;
परमेसर, हमर परमेसर हमन ला आसीस देथे।
7परमेसर हमन ला अऊ आसीस देवय,
ताकि धरती के जम्मो छोर तक मनखेमन ओकर भय मानंय।